Wir woin was spün, glei do drübn! Kimm, mit uns mit! Dann san ma zu dritt!
Wü nu wer dazua? Ob Madl oder Bua - zan spün gibt's gnua, und vü Platz in der Natur!
I wü was baun, i wü nur schaun, i mog gern grabn, i mecht was sagn.
|
I hör dir zua, I wü mei Ruah. I wü was finden, vielleicht a Rindn.
I wü was entdeckn i suach an Steckn. Beim Sägen und Schnitzen, da tua i sitzen.
Aus Gatsch, Gras und Blattl moch i heit a Bratl. Von de Zapfn nur die Schuppn brauch i dann fürd Suppn!
|
Gibts irgendwo Stoana? Da drübn liegn wo Boana! Jetzt muaß i amoi rostn, mei Jausn tua i kostn.
De Schaukel, de is grad net frei, spüt wer versteckn mit mir daweil? Bitte, bind des Seil um den Bam, weil wir die Bergrettung san.
Dann is a schon Zeit zum Gehn! Mit eich im Woid – des warad schen!
|